Camiseta Bebé Mereza Laranxa

Os días máis pequenos tamén poden gardar os recordos máis grandes: un primeiro verán, un paseo xunto ao mar, a area nos pés ou unha tarde vendo caer o sol.

“Mereza” tamén nace deses momentos. Dos primeiros descubrimentos, dos sorrisos inesperados e de todo aquilo que fai especial un día calquera.

Lixeira, suave e cómoda, esta camiseta de bebé en cor laranxa está pensada para acompañar os días de verán con liberdade de movemento e un tacto agradable.

Unha pequena peza para empezar a desfrutar da vida atlántica desde ben cedo.

• 100% algodón orgánico fiado e peiteado
• Gramaxe lixeira: 155 g/m²
• Tecido de punto jersey sinxelo con acabado lavado
• Corte cómodo medium fit
• Manga curta montada
• Abertura no ombreiro con dous botóns a presión para facilitar o vestido
• Pescozo con canalé 1x1 e cinta interior de reforzo do mesmo tecido
• Dobre pespunte en mangas e baixo para unha maior durabilidade
• Tecido suave e lixeiro, ideal para os días máis cálidos