Gorra Bordada Ao Teu Carón Tella

Hai mensaxes que non fai falta gritar. Un "Ao teu carón" dise suave, como quen te acompaña en silencio pero non se vai. E agora tamén se pode levar na cabeza… e con moito estilo.

Un deseño bordado con fíos de cores, inspirado nos nosos clásicos "Ao teu carón", que di o que ti non te atreves. Perfecta para tardes longas, paseos curtos e encontros que deixan pegada.

Gorra “Ao Teu Carón” – Para estar sempre preto, mesmo nos días de sol

• 100% lona de algodón, resistente como os amores de verdade
• Deseño de 5 paneis: para que a cabeza respire e as ideas non escapen
• Viseira plana, para mirar de fronte e sen sombras
• Ollais de ventilación nunha soa cor, discretos pero eficaces
• Peche axustable a presión, porque non todos temos a mesma cabeza… pero si bo gusto

Loce a gorra "Ao Teu Carón" e deixa claro que, se estás, estás. Que acompañas ata o fin do mundo… ou ata onde aguante a cervexa.