Camiseta Oes Ti, Toxo

Hai toxos que medran no monte. E despois están os outros. Os que che contestan, os que pinchan e os que teñen carácter para dar e tomar.

A Camiseta Oes ti, Toxo xoga con ese dobre significado tan noso. Porque en Galicia non fai falta ter flores amarelas nin medrar no monte para ser un bo toxo.

O deseño presenta a frase “Oes, ti... pa toxo eu” rodeada polas características flores amarelas do toxo. Unha ilustración aparentemente delicada para unha mensaxe que deixa bastante claro quen manda aquí.

Unha camiseta con retranca para quen ten carácter, para quen coñece algún toxo de manual ou, simplemente, para quen xa asumiu que ser un pouco toxo tamén ten o seu encanto.

Características

• Cor: branco
• Composición: 100% algodón semipeiteado Ringspun
• Gramaxe: 190 g/m²
• Manga: curta
• Pescozo: redondo con canalé
• Corte: clásico
• Deseño: ilustración exclusiva NIKIS “Oes, ti... pa toxo eu”

Oes, ti... pa toxo eu.

Guía de talles