Chuvasqueiro Saraiba Beige

Saraiba nace para eses días nos que o tempo cambia, pero os plans non.

O Chuvasqueiro Saraiba Beige de NIKIS combina protección fronte á choiva cun deseño limpo, funcional e urbano. Unha peza unisex de corte regular pensada para o día a día e para seguir facendo plans aínda que o ceo non acompañe.

O seu tecido de poliéster reciclado post-consumo incorpora unha membrana interior que ofrece unha impermeabilidade de 4000 mm e unha transpirabilidade de 3000 g/m²/24 h. Ademais, as costuras termoseladas axudan a impedir a entrada de auga nos puntos de unión da prenda.

A cremalleira frontal impermeable en cor branca contrasta co beige da chaqueta e reforza o seu aspecto contemporáneo. Conta tamén con carapucha axustable, baixos das mangas elásticos e dous petos con cremalleira invertida.

Como detalle de identidade, Saraiba incorpora a etiqueta negra NIKIS coa característica anilla laranxa, ese pequeno toque de cor que xa forma parte do universo da marca.

Un chuvasqueiro pensado para protexer da choiva sen parecer simplemente unha prenda para a choiva.

Características

• Cor: beige
• Composición: 100% poliéster reciclado post-consumo
• Corte: regular unisex
• Impermeabilidade: 4000 mm
• Transpirabilidade: 3000 g/m²/24 h
• Tecido: con membrana interior
• Costuras: termoseladas para mellorar a impermeabilidade
• Cremalleira frontal: impermeable e de cor branca
• Tirador: de metal reciclado
• Petos: dous petos con ribete e cremalleira invertida
• Carapucha: con cordón de axuste
• Mangas: baixo elástico
• Detalle NIKIS: etiqueta negra coa característica anilla laranxa

Saraiba. Chova ou non, ti segues.