Suadoiro Media Cremalleira Mereza Crema

Cando baixa o sol, cambia a luz e o aire comeza a refrescar, aínda quedan moitas horas por diante. Un paseo pola praia, unha conversa sen mirar o reloxo ou simplemente quedar un pouco máis fronte ao mar.

“Mereza” nace tamén deses momentos. Desa vida atlántica que non remata cando acaba o día e desa maneira de desfrutar das pequenas cousas que fan que todo pague a pena.

En cor crema, de corte oversize e cunha cómoda media cremalleira no pescozo, este suadoiro combina unha estética relaxada cun tecido de 320 g/m² que aporta corpo, suavidade e abrigo.

Unha peza versátil para os días de entretempo, as tardes de verán que se alongan e todos eses momentos nos que apetece quedar un pouco máis.

• 80% algodón fiado e peiteado / 20% poliéster
• Gramaxe: 320 g/m²
• Corte unisex oversize
• Media cremalleira no pescozo
• Interior de felpa perchada, suave e cálido
• Corte amplo no peito, ombreiros e mangas
• Tecido con corpo e caída contemporánea
• Recoméndase lavar do revés a 30 °C e evitar a secadora para conservar o acabado e a forma